মুখ্য পৃষ্ঠা
06/04/2516:36
মৰমৰ 'গীত' ,
তিনিটা বছৰ সমাপ্তিৰ উজাগৰি শেষ
নিশাৰ প্ৰহৰত তোমালৈ বুলি একলম
লিখিবলৈ বহিলো |আশা কৰা ধৰণেই
হয়তো তুমি বহুত সুখী |সুখৰ
মুদ্ৰা বিচাৰি তুমি পাৰ হৈ গ'লা মোৰ
দৰিদ্ৰ প্ৰেমিক হৃদয় |আৰু পৃথিৱীৰ ব্যৰ্থ
প্ৰেমকৰ দীঘলিয়া তালিকাত বেকাৰ
হৈ পৰি ৰলো আগৰ দৰেই তিনিটা বৰ্ষ|
তোমাকনো মোৰ ভাল বেয়া কি জনাম ?
গীত ,ভালপোৱাৰ পৰিমান সুধি যিদিনাই
দিছিলা বুকুত সন্দেহৰ বিষাক্ত
আঁচোৰ ,সেইদিনাই কঁপিছিল বুকু তোমাৰ
বিশ্বাস হীনতাত |
কঁপা কঁপা হাতেৰে উজাগৰি পল
গণি লিখিছিলো তোমালৈ ভালপোৱাৰ
প্ৰথম দলিল |তুমি হয়তো বেকাৰ জীৱনক
ঘৃনা কৰি আতৰি গ'লাগৈ জোনাকী বাটেৰে |
তোমাৰ এন্ধাৰ উপহাৰ সাবতী তৰা এটি চুই
চোৱাৰ সপোন বুকুত আলফুলে কবৰ
দিলো |আধৰোৱা সপোনৰ
নষ্টালজিয়া বিচাৰি তোমাক
আমনি কৰা অধিকাৰ নাই কাৰণে নিচাৰ
বজাৰ খনকে আপোন কৰিলো |
তথাপি তোমাৰ অবিহনে দেৱদাস
হোৱা নাই |মাথো প্ৰতিশ্ৰুতি ভংগৰ
অপৰাধতে জীৱনক আগুৱাই নিছো অন্য
এখন দেশলৈ |এতিয়া মই কবিতা ,নদী-
আকাশ ,সেউজীয়া পথাৰ ভাল পাওঁ |
তথাপি তোমাৰ অবিহনে চৌদিশ শূন্য
আজিও |সুখেৰে থাকা তুমি গীত |
এইয়া মোৰ শেষ চিঠি |আৰু আমনি নকৰো....
ইতি
তোমাৰ "মই"
© ৰাজু কলিতা
08/11/14
